Breaking News

நோயாளி பெண்ணை சீரழித்தனரா வைத்தியர் மற்றும் தாதியர்கள்?? யாழில் தந்தை ஒருவர் போராட்டம்

கொழும்பு தேசிய வைத்தியசாலையில் சிகிச்சைகளுக்காக அனுமதிக்கப்பட்டிருந்த தனது மகளை வைத்தியரொருவரும், மூன்று தாதிய உத்தியோகத்தர்களும் இணைந்து வன்புணர்வுக்குட்படுத்தி கொலை செய்துள்ளதாகவும், எனது மகளின் மரணத்திற்கு நீதி வேண்டுமெனக் கோரியும் தந்தையாரொருவர் யாழ். மருதனார்மடம் சந்திக்கு அருகில் கவனயீர்ப்புப் போராட்டம் மேற்கொண்டு வருகிறார்.

இன்று காலை ஆரம்பமான குறித்த போராட்டத்தில் உயிரிழந்த தனது மகளின் புகைப்படம் மற்றும் எனது மகளின் மரணத்துக்கு நீதி வேண்டுமென எழுதப்பட்ட சுலோகத்தைத் தமது கைகளில் தாங்கி எதிர்ப்பில் ஈடுபட்டு வருகிறார்.

போராட்டத்தில் ஈடுபட்டு வரும் படுகொலை செய்யப்பட்ட இளம் பெண்ணின் தந்தையார் இதுதொடர்பாக தெரிவிக்கையில்,

திடீர் மனநலப் பாதிப்புக்குள்ளான தனது மகள் கடந்த-2017 ஆம் ஆண்டில் வவுனியா வைத்தியசாலையில் அனுமதிக்கப்பட்டுப் பின்னர் அங்கொடை வைத்தியசாலைக்கு மாற்றப்பட்டார். பின்னர் மேலதிக சிகிச்சைகளுக்காக அங்கிருந்து கொழும்பு தேசிய வைத்தியசாலைக்கு மாற்றப்பட்ட நிலையில் அங்கு ஒரு வைத்தியரும் மூன்று தாதிய உத்தியோகத்தர்களும் இணைந்து வன்புணர்வுக்குட்படுத்தியுள்ளனர்.

இதன் பின்னர் உண்மை வெளியே தெரிந்து விடக் கூடாது என்பதற்காக எனது மகளின் உடலுக்கு ஊசியேற்றியுள்ளனர். இந்நிலையில் 2017 ஆம் ஆண்டு மே மாதம்-31 ஆம் திகதி உயிரிழந்துள்ளார். எனது மகள் இறந்து பல நாட்களின் பின்னரே இந்த விடயம் எமக்குத் தெரிய வந்தது.

மகளின் உயிரற்ற உடலை எம்மிடம் கையளிக்கும் போது அவரது உடலிலிருந்து சிறுநீரகம் உள்ளிட்ட பகுதிகள் எங்களின் அனுமதியின்றி எடுக்கப்பட்டிருந்தன.

எனது மகளுக்கு கொழும்பு தேசிய வைத்தியசாலையில் நடந்த கொடுமைகள் தொடர்பில் நான் முன்னாள் ஜனாதிபதி , முன்னாள் பிரதமர் ஆகியோரின் கவனத்திற்கு கொண்டு சென்றதுடன் மனித உரிமைகள் ஆணைக்குழுவினரின் கவனத்திற்கும் கொண்டு சென்றிருந்தேன்.எனினும், இதுவரை உரிய நடவடிக்கை எதுவும் எடுக்கப்படவில்லை எனவும் அவர் குற்றம் சாட்டினார்.

எனது மகளின் மரணத்துக்கு நல்லாட்சியில் தீர்வு கிடைக்கவில்லை. ஆனால், தற்போதைய நேர்மையான ஆட்சியிலாவது நீதி கிடைக்க வேண்டும். நீதி கிடைக்கும் வரை நான் ஓயமாட்டேன் எனவும் தெரிவித்தார்.

About kalaiselvi

Check Also

அரச பேருந்தின் மீது முறிந்து விழுந்த மரம்

வவுனியா – செட்டிகுளம் பேருந்து நிலையத்தில் தரித்து நின்ற இ.போ.ச பேருந்தின் மீது மரமொன்று முறிந்து விழுந்துள்ளது. குறித்த சம்பவம் …

Leave a Reply

Your email address will not be published. Required fields are marked *