Breaking News

இரவில் என்னென்ன உணவுகளை உட்கொள்ள வேண்டும்; எதை தவிர்க்க வேண்டும்!

நாம் ஆரோக்கியமாக இருக்க இரவு நேரத்தில் எடுத்துக் கொள்ளும் உணவுகளில் கவனமாக இருக்க வேண்டும். இரவு நேரங்களில் உணவுகளை எடுத்துக் கொள்ளும் போது குறைந்த கலோரி உணவுகளை எடுப்பது நல்லது. உங்க இரவு உணவுகள் எளிதில் ஜீரணிக்க ஆயுர்வேதம் சில அறிவுரைகளை கூறுகிறது.

நீங்கள் ஆரோக்கியமாக இருக்க ஸ்மார்ட் ஆன உணவுகளை தேர்ந்தெடுப்பது அவசியம். நம் உடலை ஆரோக்கியமாக வைப்பதில் நாம் உண்ணும் உணவு மிக முக்கியமான பங்கு வகிக்கிறது. ஆயுர்வேதத்த்தின் படி உங்க உணவை நீங்கள் சரியாக தேர்ந்தெடுப்பது மிகவும் அவசியம். அந்த வகையில் ஆயுர்வேதம் என்ன கூறுகிறது என்றால் கீழ்க்கண்ட உணவுகளை இரவு நேரத்தில் சாப்பிட்டு வருவது உங்க உடலை ஆரோக்கியமாக வைக்க உதவுகிறது. இது உங்க உடலில் உள்ள கபம், வாதம் மற்றும் பித்தம் போன்ற தோஷத்தை சமநிலையில் வைக்க உதவுகிறது.

​இரவு நேர உணவுகள்

இரவு நேரத்தில் கடினமான உணவுகளை சாப்பிடாமல் லேசான உணவுகளை எடுத்துக் கொண்டால் நிம்மதியான உறக்கம் பெறுவீர்கள். அதே மாதிரி இரவு நேரங்களில் காபி போன்றவற்றை பருகக் கூடாது. ஏனெனில் காபி போன்றவை உங்களுக்கு நிம்மதியான தூக்கத்தை தராது. இரவு நேரங்களில் விழிப்பை உண்டாக்கும். நீங்கள் சரியாக தூங்கா விட்டால் எல்லாவிதமான நோய்களும் வர வாய்ப்பு உள்ளது. எனவே இரவு நேரங்களில் உங்க தூக்கத்தில் கவனமாக இருப்பது மிக மிக அவசியம். இரவு நேரங்களில் எந்த மாதிரியான உணவுகளை எடுத்துக் கொள்ள வேண்டும் என அறிவோம்

​இரவு நேரங்களில் எடுத்துக் கொள்ள வேண்டிய உணவுகள் :

குறைந்த கார்ப்ஸ் உணவுகள் : இரவு நேரங்களில் குறைந்த கார்ப்ஸ் உணவுகளை எடுத்துக் கொள்ளுங்கள். இரவு நேரங்களில் கடினமான உணவுகளை வயிறு முட்ட முட்ட எடுத்துக் கொண்டால் தூக்கம் சரியாக வராது. குறைந்த கார்போஹைட்ரேட் உணவுகள் எளிதாக சீரணிக்கும் மேலும் உங்களை லேசாக வைக்கும்.

​தயிரை இரவில் உண்ணாதீர்கள்:

இரவில் தயிர் சாப்பிடுவது உங்களுக்கு நல்ல யோசனையாக இருக்காது. தயிருக்கு பதிலாக நீங்கள் மோர் போன்றவற்றை குடித்து வரலாம். ஏனெனில் தயிர் உங்க உடலில் கப தோஷத்தை அதிகரித்து சளித்தொல்லையை உண்டாக்க வாய்ப்பு உள்ளது. இது உங்க நாசிப் பாதையில் சளியை உண்டாக்கும்.

​அளவோடு உணவை உட்கொள்ளுங்கள்:

எப்போதும் அளவோடு சாப்பிடுவது உங்க உடல் எடையை குறைக்கப் பயன்படும். எனவே உங்க இரவு உணவை லேசாக எடுத்துக் கொள்ளுங்கள். இது இரவில் தரமான தூக்கத்தை தர உதவி செய்யும். ஏனெனில் நம் செரிமான அமைப்பு இரவில் செயலற்றதாக இருக்கும். இரவில் அதிகமான உணவை எடுத்துக் கொள்வது உங்களுக்கு பிரச்சினையை உண்டாக்கலாம். அதிகப்படியான உணவு உங்களுக்கு காலையில் எழும் போது அஜீரணத்தை ஏற்படுத்தும்.

​புரத உணவுகள்

அதிகளவு புரோட்டீன் நிறைந்த உணவுகளை உட்கொள்வதால் உங்களுக்கு என்னென்ன ஆபத்து ஏற்படும் தெரியுமா? | risks associated with protein overconsumption - Tamil BoldSky

இரவில் அதிகம் புரதம் நிறைந்த உணவை எடுத்துக் கொள்ளுங்கள். புரதம் நிறைந்த உணவுகளான பருப்பு, பச்சை காய்கறிகள், கறிவேப்பிலை போன்றவற்றை இரவில் எடுத்துக் கொள்ளுங்கள். இது உங்க செரிமான ஆரோக்கியத்தை மேம்படுத்த உதவி செய்யும்.

​குறைந்த கொழுப்புள்ள பாலை அருந்துங்கள்

ஜூன் 1 - உலக பால் தினம் - தினசரி தமிழ்

இரவில் உங்களுக்கு பால் குடிக்கும் பழக்கம் இருந்தால் குறைந்த கொழுப்புள்ள பாலை அருந்துங்கள். இரவு நேரங்களில் குளிர்ந்த பாலை குடிக்க வேண்டாம். பாலை குடிப்பதற்கு முன்பு நன்றாக கொதிக்க வைத்து சூடுபடுத்திக் கொள்ளுங்கள். பாலை சமைக்காமல் அருந்த வேண்டாம். குறைந்த கொழுப்புள்ள பால் உங்களுக்கு எளிதாக சீரணமாக உதவி செய்யும். இந்த பாலுடன் சிறுதளவு இஞ்சி மற்றும் ஏலக்காயை சேர்த்து கொள்ளுங்கள்.

​காரமான உணவை எடுத்துக் கொள்ளுங்கள்

மாலை நேரத்தில் ஸ்நாக்ஸ் போன்றவற்றை நீங்கள் எடுப்பதாக இருந்தால் காரமான உணவை எடுத்துக் கொள்ளுங்கள். காரசாரமான உணவுகள் உங்க உடல் வெப்பத்தை அதிகரிக்க உதவி செய்யும். பசியை குறைத்து ஆரோக்கியமான எடையை பராமரிக்க உதவி செய்யும். இலவங்கப்பட்டை, பெருஞ்சீரகம், வெந்தயம் மற்றும் ஏலக்காயை உங்கள் மாலை உணவில் சேர்த்து வரலாம்.

​இரவு 7 மணிக்குமேல் உப்பு உணவுகள் வேண்டாம்:

-7-

இரவு 7 மணிக்கு மேல் உப்பான உணவுகளை எடுத்துக் கொள்வதை நிறுத்துங்கள். ஏனெனில் உப்பு உடம்பில் நீர் தேக்கத்தை உண்டாக்க வாய்ப்பு உள்ளது. இரவில் சோடியம் உட்கொள்வது உயர் இரத்த அழுத்தத்திற்கு வழி வகுக்கும்.

Leave a Reply

Your email address will not be published. Required fields are marked *