Breaking News

வவுனியாவில் 24 பேருக்கு கோவிட் தொற்று உறுதி

வவுனியாவில் 24 பேருக்கு கோவிட் தொற்று ஏற்பட்டுள்ளதாக சுகாதாரப் பிரிவினர் தெரிவித்துள்ளனர்.

வவுனியாவில் இனங்காணப்பட்ட கோவிட் தொற்றாளர்களுடன் தொடர்புகளைப் பேணியோர், வவுனியா வைத்தியசாலையில் சிகிச்சைக்காக அனுமதிக்கப்பட்டோர் மற்றும் எழுமாறாக மேற்கொள்ளப்பட்ட பிசீஆர் பரிசோதனையின் முடிவுகள் சில இன்று வெளியாகின.

அதில் பாவற்குளம் பகுதியில் ஒருவருக்கும், பொலிஸார் இருவருக்கும், மதவாச்சி பகுதியை சேர்ந்த ஒருவருக்கும், நெடுங்குளம் பகுதியில் ஒருவருக்கும், அம்பேபுவே பகுதியில் ஒருவருக்கும், கல்மடு பகுதியில் இருவருக்கும், கல்குண்டாமடு பகுதியில் ஐவருக்கும், கூமாங்குளம் பகுதியில் ஒருவருக்கும், நெளுக்குளம் பகுதியில் ஒருவருக்கும், கனகராயன்குளம் பகுதியில் நால்வருக்கும், சண்முகபுரம் பகுதியில் ஒருவருக்கும், நேரியகுளம் பகுதியில் இருவருக்கும், மெனிக்பாம் பகுதியில் ஒருவருக்கும், தோணிக்கல் பகுதியில் ஒருவருக்கும் என 24 பேருக்கு கோவிட் தொற்று உறுதி செய்யப்பட்டுள்ளது.

இவர்களில் 18 தொற்றாளர்கள் தங்களுக்கு கோவிட் தொற்று காணப்படலாம் என்ற சந்தேகத்தின் அடிப்படையில் தாமாகவே வைத்தியசாலைக்கு சென்று பிசீஆர் பரிசோதனை மேற்கொண்ட நிலையில் தொற்றாளர்களாக இனங்காணப்பட்டுள்ளனர்.

இந்நிலையில் தொற்றாளர்களை கோவிட் சிகிச்சை நிலையத்திற்கு அனுப்பி வைப்பதற்கும் அவர்களுடன் தொடர்புடையவர்களை சுயதனிமைப்படுத்துவதற்கும் சுகாதாரப் பிரிவினர் நடவடிக்கை எடுத்துள்ளனர்.

About kalaiselvi

Check Also

த.ம.வி.பு. மகளிர் அணித் தலைவி காலமானார்.

தமிழ் மக்கள் விடுதலைப்புலிகள் கட்சியின் (த.ம.வி.பு) மகளிர் அணி தலைவியும், முன்னாள் மட்டக்களப்பு மாநகர சபை உறுப்பினருமான திருமதி செல்வி …

Leave a Reply

Your email address will not be published. Required fields are marked *