Breaking News

தனிமைப்படுத்தல் முகாமிற்குள் நடந்தது என்ன?? வெளியானது அதிர்ச்சி தகவல்

யாழ்.பலாலி பகுதியில் அமைக்கப்பட்டிருக்கும் தனிமைப்படுத்தல் நிலையத்தில் தனிமைப்படுத்தப்பட்டிருந்த 16 பேர் கொரோனா தொற்றுக்குள்ளாகியிருக்கும் நிலையில், குறித்த தனிமைப்படுத்தல் நிலையம் பாதுகாப்பற்ற முறையில் ஒருவரில் இருந்து இன்னொருவருக்கு பரவக்கூடிய ஆபத்தை கொண்டுள்ளதாக கூறப்படுகின்றது.
மேலும் தனிமைப்படுத்தப்பட்டவர்களுக்கு மருத்துவப் பரிசோதனைகள் எவையும் மேற்கொள்ளப்படுவதில்லை என்றும், மருத்துவர்களும் அவர்களைச் சென்று பார்வையிடுவதில்லை எனவும் குற்றம் சுமத்தப்பட்டுள்ளது.

சுவிஸ் மத போதகருடன் நெருங்கிப் பழகிய தாவடி வாசிக்கு கொரோனா தொற்று ஏற்பட்டது.
இதனையடுத்து மத போதகருடன் நெருங்கிப் பழகிய 20 பேர் காங்கேசன்துறை தனிமைப்படுத்தல் நிலையத்தில் 4 அறைகளில் தங்க வைக்கப்பட்டுள்ளனர்.
இவர்களில் 6 பேருக்கு கடந்த முதலாம் மற்றும் மூன்றாம் திகதிகளில் கொரோனா தொற்று ஏற்பட்டிருந்தது. எஞ்சிய 14 பேருக்கும் இனங்காணப்படவில்லை.

நேற்றுமுன்தினம் மேற்கொள்ளப்பட்ட இரண்டாம் கட்டச் சோதனையில் 8 பேருக்கு கொரோனா தொற்று ஏற்பட்டிருந்தது.
நேற்று முந்தினம் மேற்கொள்ளப்பட்ட மூன்றாம் கட்டச் சோதனையில் மேலும் 2 பேருக்கு கொரோனா தொற்று ஏற்பட்டுள்ளது. சுவிஸ் மத போதகருடன் கடந்த மாதம் 15ஆம் திகதியே அவர்கள்
இறுதியாகத் தொடர்புபட்டிருந்தனர்.
சுமார் 29 – 30 நாட்கள் கழிந்த பின்னர் அவர்களுக்குக் கொரோனா தொற்று ஏற்பட்டிருந்தது பல்வேறு சந்தேகங்களைத் தோற்றுவித்துள்ளது.

தனிமைப்படுத்தல் மையத்தில் தடுத்து வைக்கப்பட்டிருந்து கொரோனா தொற்று உறுதிப்படுத்தப்பட்ட 6 பேரிடமிருந்து எஞ்சியோருக்கு பரவியிருக்கலாம் என்று கூறப்படுகின்றது.
அவ்வாறு கொரோனா பரவுவதற்கான வாய்ப்புக்கள் தனிமைப்படுத்தல் மையத்தில் காணப்படுவதாக தற்போது தெரிவிக்கப்படுகின்றது.
அறைகள் ஒவ்வொன்றிலும் கட்டில்கள் குறித்த இடைவெளியில் போடப்பட்டுள்ளன. 4 அறைகளிலும் ஒவ்வொரு அறைகளுக்கும்
ஒரு குளியலறை, ஒரு மலசலகூடமே உண்டு. அந்த அறைகளில் உள்ள அனைவரும் அதனையே பயன்படுத்த வேண்டும்.

இதேவேளை, உணவு அருந்துவதற்குத் தனிமைப்படுத்தலுள்ளவர்கள் ஒரு பொது இடத்திலேயே அமர வேண்டிய நிலைமை காணப்படுகின்றது. அத்துடன் உணவுகளும் ஒரு பெட்டியில்
ஒன்றாகப் போட்டே வழங்கப்படுகின்றன. இவை எல்லாம் கொரோனா தொற்று ஒருவருக்கு ஏற்பட்டாலும் ஏனையோருக்கு பரவக் கூடிய சூழல் இருப்பதையே எடுத்துக்காட்டுகின்றது.
மேலும், தனிமைப்படுத்தப்பட்டுள்ளவர்கள் சாதாரண மருத்துவ பரிசோதனைக்கு உட்படுத்தப்படுவதில்லை.
அத்துடன் மருத்துவ ரீதியான கண்காணிப்பும் மேற்கொள்ளப்படுவதில்லை. மருத்துவர்களும் அவர்களைச் சென்று பார்வையிடுவதில்லை என்று கூறப்படுகின்றது.
தனிமைப்படுத்தல் நிலையங்களில் தங்கியிருந்த ஏனையோருக்கு கொரோனா தொற்று நீண்ட நாட்களின் பின்னர் கண்டறியப்பட்டிருக்கலாம்
என்று தெரிவிக்கப்படுகின்றது.

இதேவேளை, இந்த விடயம் தொடர்பில் கருத்துத் தெரிவித்த யாழ்ப்பாணம் போதனா மருத்துவமனைப் பணிப்பாளர் மருத்துவர் த.சத்தியமூர்த்தி, தனிமைப்படுத்தல் மையங்கள் இராணுவத்தினரதும் சுகாதார சேவைகள் பணியாளர்களது கண்காணிப்பிலும் இருக்கின்றன.
அதனை அவர்கள் சரியான முறையில் பராமரிக்க வேண்டும். எவ்வாறு இந்தத் தொற்று ஏற்பட்டது என்றும் தெளிவாகக் கூறி விட முடியாது. சுவிஸ் மத போதகர் ஊடாக வந்ததா? அல்லது அங்கு தங்கியிருந்தவர்கள் ஊடாக வந்ததா என்பது பற்றி தெளிவாகக் கூற முடியாத நிலைமை காணப்படுகின்றது என நழுவல் போக்கில் பதிலளித்திருந்தார்.
கொரோனா தொற்றுள்ள ஒருவர், சந்தேகத்துக்கு இடமானவர்கள் இருக்கின்றபோது அவர்கள் ஒருவரோடு மற்றவர் குறிப்பிட்ட இடைவெளியைப் பேண வேண்டும்.தனிமைப்படுத்தப்பட வேண்டும். அவர்கள் அனைவரையும் ஒன்று கூடுகின்ற சந்தர்ப்பங்களை இல்லாமல் செய்யவேண்டும் என்றார்.
இவ்வாறான சூழ்நிலையில் சமூக அக்கறை கொண்ட அதிகாரி ஒருவர் தகவல் தருகையில், தொற்று நோய்களை பொறுத்தவரை இரண்டு விதமான தனிமைப்படுத்தல்கள் மேற்கொள்ளல் அவசியமாகும்.
1) சுய தனிமைப்படுத்தல் – அதாவது மற்றையவர்களிடமிருந்து தானாக விலகி இருத்தல். சமூக அக்கறை உள்ளவர்கள் தாங்கள் நினைத்தால் மட்டுமே இது சாத்தியம் என்றும்,
2) குறித்த பகுதி மக்களை தனிமைப்படுத்தல் – அதாவது தொற்று இனம்காணப்பட்ட நபருடன் தொடர்பில் இருந்தவர்களை வேறு நபர்களுடன் தொடர்பினை பேணாமல் தனிமைப்படுத்தல் வேண்டும் என்றும் இதனை பொறுப்பான அதிகாரிகள் நிறைவேற்றுகின்றனர் என்றும் தெரிவித்தார்.
இதில் சுயதனிமைப்படுத்தலை ஒவ்வொரு மக்களும் சரியாக கடைப்பிடித்திருந்தால் கொரோனா என்றோ கட்டுப்படுத்தியிருக்க முடியும் என்றும் தெரிவித்தார்.
யாழை பொறுத்தவரை தனிமைப்படுத்தல் முகாம்களிற்கு அழைத்து செல்லப்பட்டவர்கள் தங்களை தாங்களே தனிமைப்படுத்திக் கொள்ளாமல் இருத்தமையே தொற்று அதிகரித்தமைக்கு முக்கிய காரணம் என்றும் அவர் தெரிவித்தார்.
பலாலி தனிமைப்படுத்தல் முகாமிற்குள் அடைக்கப்பட்டவர்கள் ஒரே மதத்தினை சார்ந்தவர்கள் என்றும், பலர் ஒரே குடும்பத்தை சேர்ந்தவர்கள் என்றும் தெரியவந்துள்ளது.
இவர்கள் ஒன்றுகூடி தங்களிற்குள் மத அனுஸ்டானங்களை மேற்கொண்டுள்ளமையும் வெளிச்சத்திற்கு வந்துள்ளது.
மேலும், இவர்களது பாவனைக்கு மலசல கூட வசதிகள், தண்ணீர் வசதிகள் என்பன ஒருவரிற்கு ஒன்று என்ற முறையில் வழங்கப்பவில்லை என்றும் மூடிய அறைக்குள் நால்வர் என அனுமதிக்கப்பட்டிருந்தமையும் தெளிவாகின்றது.
இவற்றை எல்லாம் தடுப்பது செயற்படுத்துவது என்பது பாரிய சிக்கலான காரியம் என்றும், ஒவ்வொரு மனிதரும் நோயின் தீவிரத்தன்மையை அறிந்து தன்னைத்தான் சுயதனிமைப்படுத்தலே இக்காலத்தில் முக்கியமானது என அவர் மேலும் தெரிவித்தார்.

About kalaiselvi

Check Also

தாறுமாறான வேகம்!! மூன்று வாகனங்கள் மோதிய கோர விபத்து!! பெண் பலி!! இருவர் படுகாயம்

பாமன்கடை பகுதியில் இடம்பெற்ற வாகன விபத்தில் பெண்ணொருவர் உயிரிழந்துள்ளதோடு இரண்டு பேர் படுகாயமடைந்து மருத்துவமனையில் அனுமதிக்கப்பட்டுள்ளதாக வெள்ளவத்தை பொலிசார் தெரிவித்தனர். …